محمد القوصي يكتب: قمة الطين .. و قمة الطناش

انتهت القمة بمرها وحلوها، لأ أسف لم يكن فيها اي حلو، بل كانت كلها مرار وعلقم وطين ووحل وعار وفضيحة.

و السؤال الآن بعد الذي رأيناه في ستاد برح العرب في مواجهة الأهلي والزمالك، وبقينا مسخرة علي كل لسان، هل حاسب أحد المتسبب في هذا المشهد، هل تحرك احد،. وسأل من المسئول عن تصدير هذه الصورة المسيئه لمصر في الخارج، حتي ان اننا تعرضنا للسخرية والإهانة من كل اللي يسوي واللي ما يسواش، يا جماعة مصر واسمها اكبر من اي حد، مصر تستحق منا اكثر من ذلك، مصر الان لازم تحاسب اتحاد العار لان ما حدث في قمة الطين والوحل والهباب والرهريط والربريب وكل الألفاظ اللي عايز تقولها قولها لا ينفع معه الطناش بل ينفع مع السجن.

لا والكارثة ايه هو الإصرار علي ان الأهلي يلعب مباراته غدا مع الاتحاد السكندري في الاسكندريه علي نفس الملعب، وفي نفس الظروف، وكأن هناك من يصر علي علي ان يضع رءوسنا في الوحل، يا جماعة عيب كده قوي اختشوا ولا هتختشوا ليه ما اللي اختشوا ماتوا، لو مش خايفين علي حرقة دمنا ولو عادي سمعة مصر خافوا علي البشر خافوا علي الإنسان، خافوا علي اللاعبين الذين يمكن ان يصاب اي منهم بالصليبي وغيره في اي لحظة، اتقوا الله فينا وفيهم وفي البلد وبلاش هذا العناد الذي يولد الكفر، وكفاية فضايح وكفاية طناش.