حرص رئيس الزمالك ، على عقد جلسة مع لاعبي الفريق الأول لكرة القدم بناديه ، وأفراد الجهاز الفني ، قبل ساعات من مواجهة النجم الساحلي ، فى ذهاب الدور قبل النهائى للكونفدرالية الافريقية ، والمقرر لها غد السبت ، على ملعب برج العرب بالاسكندرية .
ووجه رئيس الزمالك ، خلال الجلسة التى جمعته مع اللاعبين ، 10 رسائل قوية ، جاءت على النحو التالي .
-ايهاب جلال باع الماتش للاهلي والمصري هيحاسبوه
-نغمة الدوري راح دي نغمة حقيرة ، لما الاهلي كان واقع ، وقفوا جانبه وقالوا الاهلي قادر انما الزمالك لا الكل ضده
- كلكم رجاله وعلى قدر المسئولية ، مباراة الكونفيدرالية كنت واخد قرار ميحضرش غير الاعضاء، انتم وجروس طلبتوا المدرجات تبقى مليانه وفي رغبة من جماهير الزمالك للحضور هتلاقوا 40 الف في المدرجات اكسبوا وصالحوهم
- انتم احسن لاعيبه وافضل فريق متتوترش العبوا باعصاب هادية وربنا لواراد البطولة هتجيلك هتجليك خلي اعصابك هاديه
-النجم فريق قوي جدًا وكسبناهم قبل كده0/3 وكان عندنا لاعب ناقص علي جبر وبنبارك له على فرحه
- ال180 دقيقة دول مهمين ولو كسبت وتأهلت لنهائي الكونفيدرالية كل مباريات الدوري هتتأجل لبعد بطولة افريقيا
- بنسبة كبيرة مباراة الانتاح هتتأجل وانا كلمت هاني ابوريدة ولازم الاتحاد يقف جانب الزمالك لانه ممثل مصر الوحيد في افريقيا ووقفوا مع الاهلي وأجلوا له ماتشات
- اللاعب اللي شايف نفسه المكان مش مكانه يقول لجروس واللي مصاب ومش قادر يقوله
-ان شاء الله ربنا يوفقكم وتتأهلوا للنهائي ال90 دقيقة دول هم الكأس هم اهم 90 دقيقة في حياتنا
-هنشوف السفر لتونس هيكون بطيارة خاصة ولا عادية .
وزي ما قولتكم احنا طول السنة بنذاكر وده شهر الامتحان ولازم ننجح