وان ثري| بوابة الرياضة المصرية

الإثنين 23 سبتمبر 2019 الموافق 24 محرم 1441
رئيس مجلس الإدارة
محمد إبراهيم نافع

رئيس التحرير
محمد القوصي

محمد القوصي يكتب: إشمعني الزمالك يتأجلوا ماتش ودلوقتي بقي ممثل مصر

الأحد 28/أبريل/2019 - 02:43 م
الكاتب الصحفي محمد
الكاتب الصحفي محمد القوصي
طباعة
اتحاد الكرة أجل مباراة الزمالك و الإنتاج الحربي ليوم 15 مايو ، و طبعا احنا نؤيد ده و حق الزمالك، زي ما كان حق الأهلي عندما كان يعلب في دور المجموعات الأفريقي و دور ربع النهائي.

ولكن الزمالك نفسه و معاه فريق تاني ضغطا عشان الاهلي يلعب كل مبارياته المؤجلة حتي و لو علي اشلاء لاعبيه و لعب الاهلي مضطرا و الإصابات و الإجهاد كانوا بيحصدوا في لاعبيه الواحد تلو الأخر .. و كانوا عايزين يكسروا الأهلي بأي شكل و دفع الأهلي الثمن بفقد نقاط في الدوري و الخروج الافريقي خصوصا عندما لعب وقت مباراتي ربع النهائي اربع مباريات في اقل من ١٥ يوما عندما لعب مع الاتخاد السكندري بعد ماتش الزمالك علي نفس الملعب السيء وقتها و كان يوم الثلاثاء و سافر يوم الاربعاء ليلعب السبت مع صن داونز و ينهار لاعبوه هناك ثم يعود و يلعب المقاصة يوم الاربعاء بلا رحمة و لا حد فكر وقتها يقول الاهلي في موقف صعب من فضلكم لا يلعب امام المقاصة و يلعب الاهلي يوم الاربعاء و هو عائد بجرح رهيب من جنوب افريقيا يلعب امام المقاصة يوم الاربعاء ثم يلعب أمام صن داونز يوم السبت .. هو الاهلي في الوقت ده مكنش ممثل الكرة المصرية زي ما الأصوات طلعت دلوقتي الزمالك ممثل الكرة المصرية و لازم نساعده .. و لا الأهلي خلاص خرج و بردت نارهم و نعود لنغمة الوطنية.

و الله لازم نساعد الزمالك و انا مع التأجيل و ده حقه و حق اي فريق يلعب باسم بلده في بطولات قاريه زي ما هولندا أجلت مباريات لأياكس بسبب دوري الابطال و كذلك فعلت البرتغال مع بورتو قبل ما يخرج

عايز ارجع لنقطة ممثل مصر .. لما فيه ناس قالت الأهلي بيمثل مصر في البطولات القارية ، خرج بعض الزملكاوية اللي ليهم كل التقدير و قالوا الأهلي لما بيلعب في أفريقيا لا يمثل مصر بيمثل نفسه و عشان كده لازم نتمني له الخسارة و لازم نفرمه محليا لكن دلوقتي الزمالك بقي بيمثل مصر و لازم يقف الكل جنبه و يدعمه و انا شخصيا أول واحد أؤيد ده لأن الزمالك دلوقتي و من زمان بيلعب باسم مصر و لازم ندعمه و قبله كان الأهلي رافع رأية الكرة المصرية في أفريقيا و فريقها التاريخي و من قلبي اتمني الزمالك يفوز بالكونفدرالية لأنني مصري أولا

الكلام ده ممكن لا يعجب البعض لكن انا بتكلم بالمنطق لان سياسة المجاملات و السير خلف النادي اللقيط لن يفيد الاهلي و الزمالك .. الناديان الأكبر في مصر و القارة و اللي محدش هيقدر يخلعهما من ارض مصر و لا يهدهما و لا يحطمها لانهما ببساطه داخل كل مصري و مزروعين في تراب مصر و في دمنا سواء كنت أهلاويا او زملكاويا ..

الأهلي و الزمالك زي الأهرامات و لا تساويهما كل فلوس الدنيا و الكلاب اللي بتهوهوا دلوقتي عشان تاخد لقمة خضراء طرية معروف اخرها ، لانها دائما كلاب علي قارعة الطريق تهوهوا لمن يرمي لها الحسنة و ليس عندها مبدأ و لا قيمة و لا أصل و لا تعرف كلمة الوفاء لأنها امام اللقمة الخصراء الطرية ممكن تفرط في اي حاجة حتي الشرف
عاش الأهلي و الزمالك اصل الكرة في مصر  .
Top