أول قصيدة شعر مصرية في (مو صلاح)

كتب أحمد ناجي، مدرب حراس المرمي في المنتخب المصري الأول لكرة القدم، قصيدة شعرية في النجم محمد صلاح، لاعب ليفربول الإنجليزي.

و جاءت القصيدة ضمن ديوانه الجديد تحت الطبع والذي يحمل عنوان ( كيفك يا واد مبسوط)، والمعروف عن ناجي انه شاعر من العيار الثقيل وصدر له أكثر من ديوان مؤخرا، وهو يتميز بأشعاره الواقعية.

و ينشر موقع ( وان ثري) نص قصيدة ناجي، في النجم مو صلاح والتي نشرها علي صفحته وقال فيها:

يا ابن الهرم يا شقّى
يا صالح انت وتقى
سبب سعادتنا
وابن حتتنا
وانت حكايتنا
ومعاك وبيك نرتقى
يا ابن الهرم يا شقّى
راجل وشهم وجدع
والخير دا عنوانك
قالوا عليك البدع
وانت ولا ف بالك
ماشى كده ف سكتك
طاير كده بجناحين
مين دا اللى راح يحبطك
وانت ف ننى العين
ف النصر راح نلتقى
يا ابن الهرم يا شقى
يا ابن الهرم والنيل
يا ابن الريف الاصيل
إتألفت مواويل
ع الحب هى دليل
ما انت حبيب الناس
اللى شالوك ع الراس
ما انت لمصر سلاح
يا حبيبنا يا ابو صلاح
يا إبن مصر النقى
يا ابن الهرم يا شقّى