نجم الزمالك يكشف كواليس اصابته بالرباط الصليبي

كشف محمود حسن لاعب الزمالك السابق تفاصيل في مشواره مع القلعة البيضاء داخل قطاع الناشئين.

وكتب محمود عبر حسابه على "فيس بوك"، "حابب أوضح حاجه لجماهير نادي الزمالك،انا اتصابت يوم 26-6 في مُعسكر اكتوبر، وفضلت شهرين في موضوع الورق وبنخلص الحاجه والكلام ده وعملت العملية يوم 22-8-2019 الحمدلله، رغم ان مجلس الادارة يعلم بوافاة ولدتي يوم العملية وظروفي بعد ما عملت العملية".

وتابع "وبعد ما رجعت من المانيا طلعت عشان اشكر " سيادة المستشار " ف لقيت كاميرات واطلب مني اني اعمل فيديو اشكر فيه مجلس الادارة والنادي علي العملية ومصاريفها وعملت الفيديو وشكرت النادي اللي خيره عليا، بعد ما عملت الفيديو " أ. امير مرتضي " قالي انت مش علي ذمة النادي، بعد ما لعبت في النادي 17 سنه، العب يا محمود حاضر اتصعد يا محمود حاضر اطلع بره الاسكور حاضر، ومكنتش بقدر افتح بوقي عشان خاطر النادي اللي اتربيت فيه واترفضلي 7 اعارات الموسم اللي فات".

وأكمل " ومردتش اتكلم وساكت عشان خاطر انا ابن النادي واهم حاجه استقرار النادي آولا، كل ده قولت يمكن ارجع تاني بعد ما اخلص الجلسات، النهارده " أ. احمد مرتضي " كلمني بيقولي انت مش هينفع تاخد فلوس عشان انت مش علي ذمة النادي، والحاجه الوحيده اللي نقدر نساعدك فيها ان نوديك فرقة لما ترجع في شهر واحد، وانا كنت ماضي خمس سنين عدي سنتين وكده لسه فاضل في عقدي 3 سنين، وحتي النادي مدانيش السنه اللي اتصابت فيها، والنهارده تم الاستغناء عني رسمي. شكرًا نادي الزمالك".