شاهد| مشادة نارية بين خالد الغندور ومجدي عبدالعاطي بسبب انسحاب الزمالك

الإثنين 24/فبراير/2020 - 09:46 م
خالد الغندور
خالد الغندور
أشاد مجدي عبدالعاطي، المدير الفني للفريق الأول لكرة القدم بنادي أسوان، بتصريحات عماد متعب، نجم الأهلي الأسبق، بعد انسحاب نادي الزمالك من مباراة القمة.

وكان متعب، هاجم مسئولي الزمالك، بعد انسحاب الفريق الأول لكرة القدم من مباراة القمة، مؤكدا ان ماحدث "مهزلة".


وقال عبدالعاطي، على صفحته الشخصية عبر موقع التواصل الإجتماعي "فيس بوك" :"براڤو عماد متعب والله قال جزء من اللي الواحد عايز يقوله، بس كابتن سيف قاله خلينا في اللوائح !!!! لوائح ايه بس في الواقع اللي بيضحك ده".

ورد خالد الغندور، على عبدالعاطي قائلا:"والله، يا مجدي أشياء كثيرة غلط و من زمان بس للأسف انتماءنا بيخلينا نختار المواضيع و نعلق عليها"، ليرد عليه عبدالعاطي قائلا :"عندك حق يا بندق ذ، والله بس المهم الانتماء ميخليش الواحد اعمي يحاول يبقي موضوعي يشوف الحق حق والباطل باطل والجد جد والتهريج تهربج وميبقاش منتفع كمان بالانتماء ده اهم"ّ



ورد نجم الزمالك الأسبق قائلا :"هو سؤال واحد الاهلي كان لازم يلعب مع الجونة و تم تحديد المباراة و الاهلي قال مش لاعب راح وزير الرياضة بيت كابتن بيبو و بعدها قالوا شوقي غريب هيبدر المعسكر و تم إلغاء و تأجيل ماتش الجونة وصلت يا مجدي و لو لسه تم تأجيل ماتش الاهلي مع بيراميدز في الدوري و في الكاس اكثر من ٣ مرات و اتلعب الموسم الجديد الكاس و تدخلت الدولة و تم التأجيل بقرار امني وصلت يا مجدي"ّ


وعقب مدرب أسوان قائلا:" ياكابتن خالد انا بعيد تمام البعد عن الكلام اللي انت بتقوله ده ومعنديش ادني شك ان اي كان مين رئيس الاتحاد، الاهلي والزمالك اقوي منه، والأهلي اتأجله ماتشات السنه اللي فاتت كل ده تمام..انا بكلمك علي الشكل والمنظر ده عاجبك"، ليرد الغندور قائلا :" لا كان نفسي نلعب بس انا بتكلم ان الغلط موجود و لكن هنا تدخل للتأجيل و هنا لا عشان كده المنظر وحش".

واختتم مجدي عبدالعاطي:" يبقي لازم قبل ما تقول ان الاهلي اتأجله واحنا متأجلناش والاتحاد بيميل للأهلي..تقول مينفعش نادي بحجم وتاريخ وجماهير نادي الزمالك ينسحب".