أحمد شوبير يكشف مفاجأة عن رمضان صبحى والخطيب

كشف الإعلامى أحمد شوبير، حارس مرمى الأهلى ومنتخب مصر السابق، مفاجاة جديدة فى أزمة رحيل رمضان صبحى لاعب هدرسفيلد الإنجليزي.

وقال شوبير فى برنامجه الإذاعى عبر أون سبورت إف إم، "لما كلمت رمضان صبحى أفهم منه سبب رحيله عن الأهلى قالى إنه زعلان أن الأهلى دفع مبالغ كبيرة فى شراء حسين الشحات وطاهر محمد طاهر".

اضاف: "ورديت عليه قولتله وأنت مالك يابنى بالشحات وطاهر، من حق أى فريق يدعم صفوفه والأهلى مقصرش معاك رغم أن اشترى لاعيبة كتير بس بردو قدملك العرض الأغلى فى تاريخ القلعة الحمراء".

تابع شوبير: "رمضان صبحى كان بيكلمنى وبجواره شريف إكرامى، وقالى ياكابتن أنا اتصلت بالكابتن محمود الخطيب عشان أبلغه أنى هلعب لبيراميدز، خاصة أنه قعد معايا وهو مش بيقعد مع اللاعيبة خالص بشكل منفرد إلا لما بيجتمع معانا فى النادى كلنا، وللأسف مردش عليا فكلمت أمير توفيق بلغته إنى خلصت فى بيراميدز بنسبة 80 %".