رمضان صبحي يكذب شريف إكرامي حول واقعة إنتقاله لبيراميدز

كذب رمضان صبحي الجناح الأيسر للفريق الأول لكرة القدم بنادي بيراميدز تصريحات شقيق زوجته شريف إكرامي حارس مرمي الفريق الأول لكرة القدم بذات النادي.

وكان شريف إكرامي قد خرج في وقت سابق وقال أنه لم يكن يعرف بإنتقال رمضان صبحي إلي بيراميدز.

وقال رمضان صبحي في تصريحات لقناة ام بي سي مصر :" بعد كلام بيراميدز لأول مرة معي جلست في جلسة خاصة مع شريف إكرامي وعلي صقر ونادر شوقي وسليمان زوج شقيقتي، كل واحد قال رأيه بس هم حرين يطلعوا يقولوا كان رأيهم في الجلسة دي إيه".

وأضاف:" أنا لو راجل بتاع مادة وبركز في الفلوس بس كنت فضلت في انجلترا ما أنا كنت قاعد على الدكة وباخد فلوس وبس".

وأضاف:"كلمت كابتن محمود الخطيب رئيس النادي الأهلي أبلغه بقراري إني سأذهب إلي بيراميدز ما ردش عليا فاتصلت بأمير توفيق قلت له بلغ كابتن الخطيب إن الكلام إني بتفاوض مع بيراميدز من بدري وأخدت فلوس غير صحيح تمامًا ".

وأوضح:"أول شخص عرفته بمفاوضات بيراميدز معي هو أمير توفيق وقالي بيراميدز بيفاوضوك وهتروح؟ قلت له هافكر وأقولك مش هاخد قرار من غير ما اقولك علشان ده حق النادي الأهلي عليا..اتفاجئت إن الأهلي بيصدر للإعلام إننا في مراحل متقدمة من التجديد وإحنا ما اتكلمناش وما اتفقناش أصلًا واتضايقت جدًا ليه الأهلي يعمل كدة ووكيلي بيقولي مفيش عروض جاتلك".

وتابع:" إعارتي للاهلي من هيدرسفيلد الإنجليزي أنتهت 30 يونيو وكنت أري أني ليا حق بمفردي أني أكمل ، لكن اتضح أنه يجب موافقة الأطراف الثلاثة، والنادي الأهلي كان رغبته إني أكمل أفريقيا والدوري، لكن النادي الإنجليزي رفض".

وقال :"عقب هزيمة الأهلي من الترجي في نهائي دوري الأبطال كنت بنهار وبادرت بالعودة للأهلي، اتصلت بكابتن حسام غالي بعدها مباشرة وقلت له أنا عاوز أرجع بأي طريقة، لحد ما بعدها كابتن الخطيب كلمني وخلصنا كل حاجة ورجعت".