ايمن يونس يفجر مفاجأة جديدة لجماهير الزمالك

صرح أيمن يونس نجم الزمالك السابق، وعضو لجنة الكرة الحالي، عن بعض الامور داخل القلعة البيضاء عبر قناة قناة الزمالك مع الإعلامي خالد الغندور.

وقال أيمن يونس" الاعتماد الرسمي للجنة الكرة لم ينتهي والاسماء التي اعلنت ممكن تغييرها وليست بهذا العدد وانا لحد الان رئيس اللجنة ولو جه حد اكبر مني سيصبح رئيسها وكلنا بنشتغل لخدمة نادينا ".

وتابع"تم فصل اشرف قاسم وعبدالحليم علشان محدش يهاجمهم ولجنة الكرة هي المسئولة عن التعاقدات وقولنا ان باتشيكو هو النسئول والناس بتضتيقنا لكن احنا اقويا وهنحافظ ع الزمالك ومش هيقع ولاهيهتز الزمالك فيه فلوس وبخير ونادي غني الاعلانات بتدخل له فلوس والبث وبشئ بحسن الادارة نقدر نتجاوز اي ازمة وقلبي وجعني مقدرتش ادخل اي لاعب اقل من مستوى الموجودين".

وأكمل"هنرجع مصطفى فتحي لمستواه هنرجع حبة الكريز وهنراضي اوباما وهنعطي مصطفى محمد عقد بقيمته علشان يقعد وهو راضي ومقتنع"

وأتم نجم الزمالك "مش هقدر ادخل اي لاعب الا لما كل اللاعبين تاخد حقوقهم ومش هسمع لحد ويقولك جيبه دكه لا انا مش هقدر الا بالاعبين دوليه وعندنا فرقه الله اكبر عليها تليق باسم الزمالك، مش هحب حد اكتر من الكيان ده الزمالك،عاوزين عدل ونهدى ولازم يكون في عدل داخلي في الفريق علشان نقدر ناخد بطولات علشان تبذل اقصى مجهود، خسرنا محمد عطيه وزملكاوي مجتهد".