كشري: لاعبو الإنتاج مقاتلون.. والوضع صعب

تحدث أحمد كشري المدير الفني لنادي الانتاج الحربي عن التعادل الإيجابي أمام أسوان بهدفين لكل فريق.
وقال كشري في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد "وضع الفريق مش كويس ومش أفضل حاجة".
وتابع "في فرق بينا وبين الي بينافس معانا على الهبوط، خطأ غريب في الشوط الأول كلفنا هدف، وفي حاجات تحكيمية بتتحسب لأندية تانية واحنا لا، لكن احنا مش هتكلم عن التحكيم".
وأضاف "كمان ضغوطات الوضع الحالي الي احنا فيه في جدول الدوري بيزيد من توتر اللاعبين في المباريات".
وواصل كشري "عملنا مباراة كبيرة لكن موقفنا من أول ما جيت الفريق وهو صعب، الفريق في الدور الأول حصد 10 نقاط فقط".
وأردف "في الدور الثاني قدرت تكسب المصري وبيراميدز تعادل مع الفريق بصعوبة، الفريق اتحسن كتير، هنقاتل لآخر لحظة رغم ان الفرص مش كبيرة زي باقي الفرق".
وأختتم كشري تصريحاته "اللاعبين بتحاول ولو كان شكلنا ظهر كدة في الدور الأول كان الوضع هيبقى أفضل كتير، معايا لعيبة مقاتلة، مفيش مباراة لعبناها السنة دي غير لو كنا الافضل في الملعب، وهنقاتل لآخر لحظة".