رسائل نارية من أحمد سمير فرج لجماهير الإسماعيلي بشأن صفقات يناير

الثلاثاء 14/ديسمبر/2021 - 02:44 م
وان ثري| بوابة الرياضة المصرية


وجه أحمد سمير فرج، عضو لجنة التعاقدات بالنادي الإسماعيلي، رسالة إلى جماهير الدراويش، بشأن الصفقات التي سيتم تدعيم بها الفريق الأول لكرة القدم، خلال فترة الانتقالات الشتوية المقبلة.


وكتب أحمد سمير فرج، عبر صفحته الشخصية على موقع التواصل الإجتماعي "فيس بوك" :"في علي الترابيزه اكتر من ٧ لاعبين مميزين، مفيش غير مكانين في القايمه ولازم عشان نستبدل نمشي لاعبين من عندنا الاول وده مش سهل وشغالين عليه".

وأضاف :"كل الناس بتشتغل علي قلب رجل واحد والناس كلها نفسها تعمل حاجه للنادي، لجنة التعاقدات كلنا اعضاء مفيش فينا ولا رئيس ولا مدير وكلنا علي قلب رجل واحد".

وتابع:"الرأي بالاجماع والناس كلها نفسها نطلع من اللي احنا فيه لان المهمه صعبه جداً جداً جداً ولكن قادرين بأمر الله نعديها بتكاتف الجميع"، مضيفًا :"ناس كتير بتحب النادي ونفسها تخدم وبتكلم لاعيبه وارقام وحاجات انتو والله كده بتأذي النادي وعارف ان معظمهم بيخدم بدون مقابل بس لو سمحت بلاش عشان الموضوع ليه ابعاد تانيه واحنا مقدرين حبكوا للنادي وعارفين ان النيه خير".

وأكمل :"ان شاء الله نجيب صفقات كويسه وتفيد النادي ياريت شوية هدوء وكلنا ان شاء الله من مصلحتنا ان النادي ينجح

واختتم قائلاً :"دي اخر حاجه هكتبها عن النادي مش هكتب اي حاجه تانيه..معظم الاخبار المتداوله علي السوشيال ميديا مش حقيقيه والله كل المجلس واللجنه الفنيه والتعاقدات تقريباً مش بنام عشان ملف يناير اهم حاجه لكن في حاجات تانيه كتيره جداً تانيه مقدرش اتكلم فيها الحمل كبير"