ايمن يونس يفتح النار على كارتيرون بعد خسارة الزمالك أمام سموحة

فتح أيمن يونس نجم الزمالك الأسبق النار على باتريس كارتيرون المدير الفني للزمالك بعد خسارة اليوم من سموحة بهدفين دون رد في الجولة التاسعة من الدوري المصري هذا الموسم.

وقال أيمن يونس في تصريحاته عبر أون تايم سبورتس: "خسارة انهاردة طبعا من يتحملها كارتيرون بدأ بتشكيل غلط وخاض رهان غلط وخسر الرهان كارتيرون خسر لاعيبة كتير في الفرقة"

أضاف: "مش طبيعي تدخل الماتش بكم التغييرات دي ودي مش سياسة تدوير دي سياسة ضياع وعدم انسجام وعدم استقرار"

وتابع: "الموضوع باين ومش محتاج حد بيفهم كورة كارتيرون بدأ غلط وخسر الشوط الأول كله ومستفادش بأي لاعب لا أساسي ولا بديل ولا حتى ناشئ ولا استفاد من كأس الرابطة نهائي"

وختم حديثه قائلا:"بعيدا عن كارتيرون لاعيبة الزمالك مش مركزة لاعيبة الزمالك محتاجة تفوق بن شرقي اقعد ع الدكة لحد ما تفوق باستثناء إمام عاشور وشيكابالا محدش جه من لاعيبة الزمالك ولازم يعرفوا قيمة النادي ويحاربوا عشانه كارتيرون قتل وسط الملعب وبسبب قلة الانسجام مكانش عنده حلول هجومية ده بالإضافة لكوارث دفاعية من المباراة اللي فاتت دفاع الزمالك في عيوب كتير ومسافات كتير ومساحات المنافس بيشتغل فيها براحته"