الاهلي يعلن اول 3 قرارات مدوية لتسهيل حضور الجماهير

قرر مجلس إداة النادي الأهلي، إلغاء الدعوات المجانية لمباريات الفريق الأول لكرة القدم، والتي كانت توزع على أعضاء الجمعية العمومية وبعض الجماهير.

وقل محمد زكريا سراح الدين، عضو مجلس إدارة النادي الأهلي، ردًا على أحد الجماهير:" اول قرار اللجنة أخدته إلغاء الدعوات كاملة".

وتابع:" سنطالب بزيادة عدد الجماهير في الفترة المقبلة، ولكن الأول هو حضور العدد المسموح به نظرًا لقلة الأقبال على الحجز".

وعن عزوف الجماهير عن حضور المباريات قال:" مختفتش ولا حاجة مش بالضرورة أكون واقف عشان أتابع القصة وحلها لجنة الجمهور عملت ٣ اجتماعات الى الان ومنهم اجتماع مع الجهات المعنية وتم رصد فيه كل الكلام ده وتم ارسال خطاب رسمي للرابطة الأسبوع الماضي بالسماح بدخول كل أدوات التشجيع المسموح بها وتم تحديدهم كمان كل اللي انت ذكرته موجود في الخطاب أسوة بأي أندية أخرى ومنتظرين رد السماح بالأدوات وده هيكون خلال ايام ان شاء الله انت بتقول امبارح ماكنش فيه غير اعلام قبل كده مكنتش دي حتى موجودة فواحدة واحدة والشكل هيبقى أفضل بس".

وتابع:"ساعدونا المشكلة التانية قلة العدد للاسف احنا مش بنكمل ال ٣٠٠٠ بتوعنا عشان نعرف حتى بقلب نطلب أكتر اقبال الحجز ضعيف جدًا جدًا جدًا ومتفهم الأسباب ومش لازم الخوض فيها على الملأ دلوقتي واللي برضه بنحاول نحلها وشغالين عليها ومنها مقاطعة الكثير من الجمهور لاستاد السلام بدليل اعلى معدل حضور ال ٣٠٠٠ حصل فقط امبارح في استاد القاهرة وفي استاد المحلة في حين استاد السلام معدل الحجز بيكون من ١٥٠٠ الى ٢٠٠٠ فقط الموضوع أزمة كبيرة وبقالها فترة طويلة وسنين مش هتتحل في يوم وليلة عشان أكون واقعي معاكم وانا متفهم ده من البداية برضه بس هتتحل وده تحدي ومش هنرضى بغير انها تتحل سواء في العدد او كل الأدوات المسموح بها اللي من حقنا اللي مفيهاش اي مخالفات او غيره".