تتخطى الـ٨٠ مليون| خالد الغندور: كهربا مطالب بسداد مستحقات الزمالك خلال ٨ أيام وإلا سيعتزل الكرة

الجمعة 31/مارس/2023 - 11:40 م
كتب: وان ثري
خالد الغندور
خالد الغندور

تحدث عن الإعلامي خالد الغندور، عن أزمة تسديد مستحقات نجم الأهلي كهربا، والتي تتخطى الـ80 مليون جنيهًا لصالح نادي الزمالك شاملة الغرامات.



واستكمل خالد الغندور خلال لقائه مع الإعلامية أميرة بدر ببرنامجها "vip” المذاع على قناة "هي":كهربا كان نجم مصر ومنتخب مصر مع الزمالك، وكان متنجم مع الزمالك وخد بطولات معاه، وفجأة قرر يمشي ويروح النادي الأهلي وبالتالي النادي الزمالك رفع عليه قضية في الاتحاد الدولي والمحكمة الرياضية الدولية وهو قدم محامي تونسي ومصر وفي النهاية الزمالك كسبها، وغرمته ٢ مليون و400 الف دولار وبعد ايام قليلة يعني لازم يدفع ٨٠ مليون جنيه يا اما هيعتزل
حظه السئ ان الدولار ارتفع عن ما كانت الغرامة في البداية، ودلوقت مفيهاش حل غير انه يدفع.

وأضاف خالد الغندور: والمستشار مرتضى منصور كان قاله يعتذر ويقول مين اللي حرضه يسيب الزمالك ويروح الأهلي، وكمان كهربا بعد ما جاب جون في الزمالك وراح غنى مع الجماهير بألفاظ خارجة ضد الجمهور الزمالك وفيها إيحاءات، والناس شافت كلامه مش كويس واتحول لجنة الانضباط ولما طلع مع رامز نيفر إند كذب وقال أنه مقالش ايحاءات وهكذا.

وتابع خالد الغندور: ولما رد على سؤال تلعب في الزمالك ولا تعتزل كان سؤال خايب، وكان المفروض يقول بحترم نادي الزمالك بس ميغلطش فيه.


وقال خالد الغندور: المستشار مرتضى عرفه عن طريق مشاجرة لأخوه في مصر القديمة وتسبب في مقتل أحد الأشخاص، والمستشار مرتضى منصور اتعرف عليه من هنا وجه من إنبي وراح الزمالك وأخد فلوس أكتر، وقعد ٦ شهور بالظبط وجاله عقد في السعودية ومضى على عقد في السعودية ياخد فيه اكتر من اللي بياخده في الزمالك ١٥ مرة، ومرتضى وافقله وقعد إعارة سنة وجاله ملايين الدولارات وهكذا، ولما خلص ورجع مصر نسي فضل الزمالك عليه ولما رجع قال مش عايز ألعب في الزمالك تاني.


‎الجدير بالذكر أن برنامج “vip” يعرض على شاشة "هي" يوميًا في شهر رمضان في تمام الساعة 11 مساءً، كما يعاد عرضه في اليوم الثاني في تمام الساعة 3 صباحًا، والساعة 10 صباحًا