" مش لاقي لاعيبة".. تصريحات نارية لـ حسام حسن بسبب منتخب مصر

كشف حسام حسن المدير الفني لـ منتخب مصر عن أزمة كبرى تواجه الفراعنة قبل مواجهتي بوركينا فاسو وغينيا الأستوائية في التصفيات المؤهلة لكأس العالم.

ويواجه منتخب مصر ركينا فاسو وغينيا بيساو، في الجولتين الثالثة والرابعة على الترتيب من تصفيات كأس العالم 2026.

وستنطلق مباراة مصر وبوركينا فاسو في القاهرة يوم 6 يونيو، بينما تجرى مواجهة غينيا بيساو خارج القاهرة يوم 10 يونيو.

وقال حسام حسن في تصريحات صحفية " معنديش وقت أدرب اللاعبين، والمنتخب يمر بفترة من الإحلال والتجديد، لهذا فإن المنتخب يحتاج لاعبين جاهزين وقادرين على اللعب تحت ضغوط".

وشدد" لو جمعت اللاعبين في موعد الأجندة الدولية، وبالتحديد في الثالث من شهر يونيو القادم، ونلعب يوم 6 وقتها إزاي أقدر أجهز اللاعيبة وأحضرهم لخوض مباريات تصفيات كأس العالم.. أنا بناشد الجميع فكروا معايا أحضر إمتى؟.. مفيش وقت.. عشان كدا بطالب ببدء معسكر المنتخب مبكرًا وقبل موعد الأجندة الدولية المقبلة".

وأضاف " محتاج وقت لتجهيز اللاعبين والروح لوحدها لا تكفي.. 3 أيام فقط مش كافية لتجهيز منتخب مصر.. أنا رايح كأس عالم، مش رايح مركز شباب، وللأسف الناس بتقول طلبات حسام حسن مجابة.. فين دا إللي مجابة؟!".

وانهى" مش لاقي لاعبين أضمهم للمنتخب.. ومش لاقي اسم جديد، بروح أشوف مباريات الدوري ومش لاقي حد، وفي الآخر الناس بتقول إنت أخدث مين جديد؟! وماختش دا ليه طيب تعالوا هاتوا أرقام اللاعيبة دي".