رحيل ثلاثي الأهلي بأمر خوسيه ريفيرو؟.. مفاجأة من العيار الثقيل

فجر الإعلامي أحمد شوبير، مفاجأة من العيار الثقيل بشأن طلب خوسيه ريفيرو، المدرب الذي اقترب من قيادة الفريق الأول لكرة القدم بالنادي الأهلي، رحيل ثلاثي القلعة الحمراء.

وقال شوبير: "البعض قال إن خوسيه ريفيرو زعلان عشان مش هيتولى تدريب الفريق في لقاء فاركو، رغم أن ده أمان ليه إنه مايمسكش الفريق إلا بعد لقاء فاركو".

وأضاف شوبير: "البعض كتب كمان إن خوسيه ريفيرو قال لمسؤولي الأهلي إن أكرم توفيق مايلعبش وإنه مش عايز يحيى عطية الله وعلي معلول، مين قالك كده هو اللي كتب كده كان قاعد معاه؟، المدرب لسة بيدرس اللاعبين".

واختتم شوبير: "خوسيه ريفيرو مش معاه غير مساعد واحد حتى الآن ولسة مساعد آخر سينضم، فكيف هيشتغل دلوقتي ويطلب رحيل بعض اللاعبين، في حاجات مينفعش يبقى فيها اجتهاد زي الأخبار دي، لانها بتعمل مشاكل".