رضا عبد العال يوجه تحذير لـ زيزو بعد انتقاله لـ الأهلي

وجّه رضا عبد العال، نجم الأهلي والزمالك السابق، تحذيرًا للاعب أحمد سيد "زيزو" بعد انتقاله رسميًا إلى النادي الأهلي عقب نهاية عقده مع الزمالك.

وقال عبد العال في تصريحات لقناة "الشمس": "زيزو انتقل للأهلي؟ ربنا يباركله في الفلوس، لكن من ناحية الكورة، مش هيوصل للمستوى اللي كان فيه مع الزمالك."

وأضاف: "دايمًا كانوا يقولولي: أنت في الأهلي حاجة وفي الزمالك حاجة تانية. في الزمالك، الفريق كله بيخدم عليه، أما في الأهلي، المنافسة قوية، وفيه أسماء تقيلة زي تريزيجيه، إمام عاشور، ووسام أبو علي، وبالتالي مش هياخد نفس الأدوار اللي كان واخدها في الزمالك."

وتابع عبد العال: "هو اختار الفلوس على حساب الكورة، رغم إن الكورة كانت ممكن تخليه أسطورة، مش الفلوس. وفي الأهلي مفيش حاجة اسمها (ياما ارحميني)."

واختتم قائلًا: "زيزو كان بعيد عن مستواه مع الزمالك خلال السنة الأخيرة، ورغم كده النادي تحمّله، ودخل في أزمات بسببه، والفلوس اللي أخدها تعتبر رزق، لكن اختياره ما كانش من أجل كرة القدم."