صفقة الأهلي الجديدة توجه رسالة وداع إلى فاركو

حسم مسؤولو الأهلي صفقة جديدة من صفوف فاركو، لتدعيم صفوف المارد الأحمر في الموسم المقبل، ووجه اللاعب رسالة وداع إلى ناديه.

وحرص صفقة الأهلي الجديدة ياسين مرعي على توجيه رسالة مؤثرة عبر حسابه الرسمي على "إنستجرام"، ودع فيها ناديه السابق فاركو، قائلًا: "بعد 4 سنين من العمل والمواقف والتجارب، حان الوقت أقول شكرًا من القلب لفريق فاركو".

وأضاف: "الفترة اللي قضيتها معاكم كانت أكتر من مجرد شغل، كانت عيلة، كانت دعم، كانت دروس اتعلمتها وهتفضل معايا طول العمر".

وتابع : "شكراً لكل حد اشتغلت معاه، لكل كلمة دعم، لكل تعاون، لكل لحظة تعبنا فيها مع بعض عشان ننجح.. أنا فخور إني كنت جزءًا من الفريق ده، وفخور بالإنجازات اللي حققناها سوا".

واختتم: "الوداع مش نهاية، هو بداية جديدة على أرض ثابتة، وهفضل دايمًا ممتن لذكريات الأربعة سنين اللي فاتوا.. فاركو… شكرًا من القلب".