بعد أزمته تجديد عقده.. رسالة عاجلة من نجم الأهلي

نشر حسين الشحات لاعب الفريق الأول لكرة القدم بالنادي الأهلي، رسالة غامضة عبر حسابه الرسمي على منصة «إنستجرام»، بالتزامن مع أنباء تجديد عقده مع الأهلي، الذي ينتهي بنهاية الموسم الجاري.

وكتب حسين الشحات: «فيه لحظة كدة الإنسان فيها بيحس إنه عاجز تماما.. مفيش في إيده زرار يدوس عليه يغير الواقع، ولا كلمة يقولها تريح باله، اللحظة دي هي قمة القوة لو فهمتها صح، لأنك لما بتعجز، بتبدأ تفتقر للي في إيده الملكوت بجد».

وأضاف: «الشد اللي أنت فيه هو اللي بيفضى قلبك من الاعتماد على الأسباب، ويرميه تمامًا في حضن المسبب»، متابعا: «أنت مش مطلوب منك تكون سوبر مان، أنت مطلوب منك تكون (عبد) يعرف إمتى يسيب الحبل للي خلقه يمشيه، مطلوب منك بس تسلم وهتشوف العجب».