نجم الزمالك يفاجئ معتمد جمال وبيزيرا بتصريح مثير

قال محمد السيد لاعب نادي الزمالك أن معتمد جمال المدير الفني للفريق مختلف تماما وساعد بشكل كبير جدا في تتويج الفريق بلقب الدوري من خلال دوره الكبير مع اللاعبين سواء من الجانب الفني أو النفسي.

وقال محمد السيد خلال استضافته براديو صوت الزمالك عبر برنامج كورفا سود: كابتن معتمد جمال هو اللي طلعني للفريق الأول في أول مرة مسك الفريق وقالي مش هتنزل تاني ولما في تاني مرة قالي جدد وخلص الموضوع عشان محتاجك معايا دايما يقولي ألعب متقلقش ومكنش بيحسس اللاعبين الصغيرين انهم صغيرين.

وعن ما فعله بين شوطي مباراة سيراميكا بنهاية الدوري قال السيد: بين الشوطين كان مشدود علينا وقالنا متستهروش لازم نكسب وشد علينا جامد عشان نكسب الماتش ده كان دايما بيقولنا العبوا عشان الجمهور وعشان نفسنا وأشهر كلامه معانا إحنا أول مش هننزل تاني.

فيما تطرق للحديث عن بيزيرا مؤكدا بأنه أفضل جناح في الدوري وأثبت ذلك من خلال ما قدمه مع الفريق خلال الموسم الماضي.

وعن أصعب لحظة له خلال الموسم الماضي قال محمد السيد: أصعب لحظة بالنسبالي بطولة الكونفدرالية حسيت اننا اتكسرنا جدا كنت حابب ناخد البطولة دي جدا لأنها كانت مهمة لينا.