زيزو يعلق على زلزال السويس برسالة مؤثرة

علق أحمد سيد زيزو، لاعب فريق النادي الأهلي، على زلزال السويس، والذي ضرب القاهرة وعدة محافظات بمصر فجر اليوم الاثنين.

وكتب زيزو عبر حسابه الشخصي على انستجرام: ثواني من الخوف كانت كفاية إن الدنيا بكل اللي فيها تصغر في عين الناس، وإن كل واحد يفتكر إن في النهاية مفيش ملجأ غير ربنا.

أضاف: الحياة أقصر من إننا نعيشها في خصام وظلم وغضب، وأقصر من إن الدنيا تشغلنا عن اليوم اللي كلنا رايحين له.

واصل: اشتغل واسعى واحلم، لكن ما تنساش وأنت بتبني دنيتك إنك تبني لآخرتك، وما تأجلش توبة ولا خير تقدر تعمله، ولا حق تقدر ترجعه.

واختتم لاعب الأهلي: يمكن ربنا يرسل لنا لحظات زي دي مش بس عشان نخاف، لكن عشان نفوق، ونراجع نفسنا ونفهم إن وجود فرصة تانية في حد ذاته نعمة، اللهم احفظنا برحمتك، واغفر لنا، وأحسن خاتمتنا، ولا تأخذنا إلا وأنت راض عنا.