شوبير يوجه رسالة نارية إلى مجلس الأهلي

حرص أحمد شوبير على توجيه رسالة نارية لمجلس إدارة النادي الأهلي بعد التعادل مع القناة 3-3 في المباراة التي جمعت بين الفريقين في الدوري المصري.

وقال شوبير في تصريحات إذاعية: "مفيش حد أكبر من النادي، الأهلي أكبر من الجميع، أكبر من مجلس الإدارة ومن اللاعيبة ومن المدرب، مفيش حد يتحكم في النادي الأهلي، لازم الأمور تمشي بشكل جيد".

وأوضح شوبير: "يا جماعة ده وادي دجلة إمبارح بمدرب صغير مصطفى شبيطة بعد رحيل محمد الشيخ، عامل ماتش هايل وهو بـ 10 لاعبين واتعادل مع البنك الأهلي، ونزل المدافع أحمد عابدين إللي مكملش 20 سنة وقدّم مباراة كبيرة مدافع متميز وأدى بشكل أكثر من ممتاز".

وتابع: "عمر سيد معوض ومحمد عبدالله وأقطاي عبدالله ومحمود صلاح فين دول، الولد توفيق محمد ممتاز ولولا الظروف مكنش هيلعب، فين يا جماعة اللاعيبة دي مبقولش تلاعبه بكرة بس حسس الولاد بالأمل هيلعب، هتقولي في الرابطة بس هينزل مش طايق نفسه لازم تخلي اللاعيب يلعب وهو طاير من الفرحة فيه أخطاء لازم تتصلح وتتظبط ولازم النادي يدار بقوة مفيش حد أكبر من النادي وأكبر من مجلس الإدارة".