طارق حامد للاعبي الزمالك : لم اهرب ومنتظر حصدكم بطولة الدوري المصري

وقال طارق حامد للاعبي الزمالك: "الأول مبروك على الكاس تستهلوا البطولة، كان نفسي أكون موجود معاكم، بس الظروف مكنتش ماشية كويس، فيه حاجات مش واضحة، بعدين أوضحها لما تكون الظروف مناسبة".

وتابع: "فيه أوقات مينفعش تبص لنفسك بس، لكن بتبص للفريق والنادي، والوقت ده مكنش ينفع فيه كلام عشان استقرار الفريق".

وأكمل: "قدامكم بطولة الدوري، بطولة مش صعبة ومش سهلة في نفس الوقت، مش هتكون صعبة لو ركزتوا على ماتش ماتش وكسبتوه، زي ما حصل السنة اللي فاتت، وكسبنا آخر 7 ماتشات وخدنا البطولة في ظروف استثنائية، لو حافظتوا على الدوري السنة دي مش هيكون إنجاز، هيكون إعجاز".

وأضاف: "كنت أتمنى إني أساعدكم، لكن أنا عمري والله لا هربت ولا أدعيت إصابة ولا أتمارضت، 8 سنين في الزمالك بدي كل حاجة جوة الملعب وبرة الملعب، وبساعد كل الناس من قلبي، بتمنالكم التوفيق، وإن شاء الله أشوفكم على خير".